ଗୈରିକ ରାଗେ ରଙ୍ଗାୟିତ ଅସ୍ତରଙ୍ଗ

 ଗଙ୍ଗେଶ୍ୱର (ଅସ୍ତରଙ୍ଗ, ପୁରୀ)- ପବିତ୍ର ରାସପୂର୍ଣ୍ଣିମା ବା କାର୍ତ୍ତିକ ପୂର୍ଣ୍ଣିମା ଦିନ ପୁରୀ ଜିଲ୍ଲା କାକଟପୁର ନିକଟସ୍ଥ ଅସ୍ତରଙ୍ଗ ବେଳାଭୂମିରେ ଆୟୋଜିତ ହୋଇଥିଲା ଦୁଇଦିନ ଧରି ପବିତ୍ର ବେଳାଭୂମି ମହାଯଜ୍ଞର ଷଷ୍ଠତମ ଉତ୍ସବ ଦିବସ । ପୁରୁଣା ମଧ୍ୟଯୁଗୀୟ ଗୋଲାମୀର ପଦଚିହ୍ନ ‘ଜାହାନିଆପୀର’ ନାମକ ସ୍ଥାନକୁ ପ୍ରାଚୀନ ଗଙ୍ଗେଶ୍ୱର ଧାମରେ ରୂପାନ୍ତରିତ କରାଇବାର ଆନ୍ତରିକ ଉଦ୍ୟମ । ଗ୍ରାମ ଗ୍ରାମରୁ ଦୀର୍ଘ ୧ମାସ ଧରି ମଠ ମନ୍ଦିରମାନଙ୍କରେ ସ୍ଥାପନ କରାଯାଇଥିବା ଗୈରିକ ଧ୍ୱଜକୁ ସ୍ଥାନୀୟ କୀର୍ତ୍ତନମଣ୍ଡଳୀ ସହ ଅସ୍ତରଙ୍ଗରୁ ଗଙ୍ଗେଶ୍ୱର (ଜାହାଁନିଆପୀର) ପୀଠ ପର୍ଯ୍ୟନ୍ତ ବିଶାଳ ଶୋଭାଯାତ୍ରାକୁ କଣମଣଠାରୁ ଯଜ୍ଞସ୍ଥଳ ଯାଏଁ କାର୍ଯ୍ୟକର୍ତ୍ତାମାନେ ପାଛୋଟି ଆଣିଥିଲେ । ସମୁନ୍ନତ ଯଜ୍ଞକାର୍ଯ୍ୟ, କୀର୍ତ୍ତନମଣ୍ଡଳୀଙ୍କୁ ସ୍ୱାଗତ, ସେମାନଙ୍କ ଭକ୍ତିପୂତ ନାମକୀର୍ତ୍ତନ, ବିଶେଷତଃ ମହିଳା କୀର୍ତ୍ତନମଣ୍ଡଳୀଙ୍କ ଭକ୍ତିଭାବସିକ୍ତ ରସାନନ୍ଦପୂରିତ ନିଶ୍ଚଳ ନୃତ୍ୟ, ନୈସର୍ଗିକ ଭାବାବେଗରେ ଭରି ଦେଇଥିଲା ସେ ବେଳାଭୂମିର ବିସ୍ତୀର୍ଣ୍ଣ ଶଯ୍ୟାକୁ । ହଜାର ହଜାର ଲୋକଙ୍କ ଶୃଙ୍ଖଳିତ ସାତ୍ତ୍ୱିକ ଭୋଜନ, ସମ୍ବର୍ଦ୍ଧନା, ଅଭିଭାଷଣ, ପ୍ରବଚନ ଓ ଭଜନ ନବଉନ୍ମାଦନାରେ ଉଚ୍ଛୁଳିତ କରାଉଥାଏ ସମ୍ପୂର୍ଣ୍ଣ ବାତାବରଣକୁ । ସନ୍ଧ୍ୟାରେ ସମୁଦ୍ର ଆଳତି ଓ କା

ର୍ଯ୍ୟକର୍ତ୍ତାମାନଙ୍କ ଅପୂର୍ବ ଉତ୍ସାହରେ ବିସ୍ମୃତ ଗଙ୍ଗେଶ୍ୱର ପୀଠରେ ପବିତ୍ର ଶିବ ମନ୍ଦିର ପ୍ରତିଷ୍ଠାର ପ୍ରାଣପ୍ରତିଜ୍ଞା ଅପୂର୍ବ ପୁଲକ ଓ ଉଷ୍ଣତାରେ ଭରିଦେଇଥିଲା ସେ ସ୍ଥାନଟିକୁ ।