ପ୍ରାଣପ୍ରତିଷ୍ଠା ଉତ୍ସବରେ ବିବ୍ରତ ବିରୋଧୀ

ରାମ ମନ୍ଦିର ନିର୍ମାଣ ପରେ ଅଧିକ କ୍ଷତିଗ୍ରସ୍ତ ହୋଇଛି କଂଗ୍ରେସ୍ । ସ୍ୱାଧୀନତାର ୭୫ ବର୍ଷ ଭିତରେ ଗାନ୍ଧୀ-ନେହେରୁ ପରିବାରର କୌଣସି ବ୍ୟକ୍ତି ଅଯୋଧ୍ୟା ଯାଇ ରାମଲାଲାଙ୍କ ଦର୍ଶନ କରି ନାହାନ୍ତି । ଜବାହର ଲାଲ, ଇନ୍ଦିରା, ରାଜୀବ, ସୋନିଆ, ରାହୁଲ କେବେ ଅଯୋଧ୍ୟା ଯାଇ ନାହାନ୍ତି । ଏବେ ମନ୍ଦିର ପ୍ରତିଷ୍ଠା ଉତ୍ସବର ନିମନ୍ତ୍ରଣ ପାଇବା ପରେ ଗାନ୍ଧୀ ପରିବାର ଅଡୁଆରେ ପଡିଯାଇଛି । ଯଦି ଗାନ୍ଧୀ ପରିବାରର କେହି ନିମନ୍ତ୍ରଣ ରକ୍ଷା କରି ଅଯୋଧ୍ୟା ଯାଉଛନ୍ତି, ତେବେ କଂଗ୍ରେସ ଦଳର ଧର୍ମନିରେପେକ୍ଷ ଛବି ମଳିନ ପଡିଯି

ବାର ସମ୍ଭାବନା ରହିଛି । ବର୍ଷ ବର୍ଷ ଧରି ଦେଶର ସଂଖ୍ୟାଲଘୁମାନଙ୍କ ଭୋଟକୁ ପୁଞ୍ଜି କରି ନିର୍ବାଚନ ଜିତି ଆସିଥିବା କଂଗ୍ରେସ ଏବେ ଧର୍ମ ସଙ୍କଟରେ ପଡିଯାଇଛି । ଗାନ୍ଧୀ ପରିବାରର କେହି ରାମ ମନ୍ଦିର ଗଲେ ସଂଖ୍ୟାଲଘୁ ଭୋଟ ବ୍ୟାଙ୍କ ବିଗିଡି ଯିବାର ଅଶାଙ୍କା କରୁଛି ଦଳ । ଅନ୍ୟ ପକ୍ଷରେ ଯଦି ନିମନ୍ତ୍ରଣ ପ୍ରତ୍ୟାଖ୍ୟାନ କରୁଛି ତେବେ ବିଜେପି ଏହାକୁ ଏକ ବଡ ରାଜନୈତକି ପ୍ରସଙ୍ଗ କରିବାର ମଧ୍ୟ ଅନୁମାନ କରୁଛି କଂଗ୍ରେସ । ଏହାଦ୍ୱାରା କଂଗ୍ରେସର ହିନ୍ଦୁ ବିରୋଧୀ ଛବି ଜଳଜଳ ହୋଇ ଦିଶିବ; ଯାହାକୁ ନେଇ ବିଜେପି ଖୁବ୍ ପ୍ରଚାର କରିବ । କଂଗ୍ରେସର ସହଯୋଗୀ ଦଳମାନଙ୍କ ମଧ୍ୟରୁ କିଛି ରାମ ମନ୍ଦିର ପ୍ରତିଷ୍ଠାକୁ ନେଇ ଖୋଲାଖୋଲି ପ୍ରତିକୂଳ ମନ୍ତବ୍ୟ ଦେବାରେ ଲାଗିଛନ୍ତି । ଏମିତିରେ ଯଦି କଂଗ୍ରେସର ମୁଖିଆ ରାମମନ୍ଦିର ଯାଆନ୍ତି ତେବେ ମେଣ୍ଟ ସମ୍ପର୍କ ପ୍ରଭାବିତ ହେବାର ମଧ୍ୟ ଆଶଙ୍କା ରହିଛି । ଏସବୁ ବିଚାର କରି କଂଗ୍ରେସ ଏବେ ଦୋଛକିରେ । କିନ୍ତୁ ଯାହା ଲାଗୁଛି କଂଗ୍ରେସ୍ ବରଂ ବିଜେପିର ଟାର୍ଗେଟକୁ ସହ୍ୟ କରିଯିବ କିନ୍ତୁ ସଂଖ୍ୟାଲଘୁ ସମୁଦାୟଙ୍କୁ ଅସନ୍ତୁଷ୍ଟ କରିବ ନାହିଁ । ତେବେ କଂଗ୍ରେସର ଏହି ପରମ୍ପରା ଆଜିର ନୁହଁ । ଦେଶ ସ୍ୱାଧୀନତା ପୂର୍ବରୁ ଭାରତରେ ତୁଷ୍ଟିକରରଣ ରାଜନୀତିର ମୂଳଦୁଆ ପଡିଥଲା । କଂଗ୍ରେସର ଏହି ମାନସିକତା ଭାରତକୁ ବିଭାଜନ କରି ସ୍ୱତନ୍ତ୍ର ପାକିସ୍ତାନ ଗଠନ କରିବାରେ ସହାୟକ ହେଲା । ଭାରତ ସ୍ୱାଧୀନ ହେଲା, କିନ୍ତୁ କଂଗ୍ରେସର ସଂଖ୍ୟାଲଘୁ ତୁଷ୍ଟୀକରଣ ନୀତିରେ କୌଣସି ପରିବର୍ତ୍ତନ ହେଲା ନାହିଁ । ଫଳରେ ମୋଗଲଙ୍କ ଦ୍ୱାରା ଧ୍ୱଂସପ୍ରାପ୍ତ ରାମମନ୍ଦିର ସମେତ ଅନ୍ୟ ହିନ୍ଦୁ ଦେବାଳୟର ନିର୍ମାଣ ସ୍ୱପ୍ନ ସ୍ୱପ୍ନରେ ହିଁ ରହିଗଲା । ଏବେ ଯେତେବେଳେ କୌଣସି ସରକାର ଭାରତ ଭୂମିରେ ସନାତନ ସଂସ୍କୃତିର ପୁନଃସ୍ଥାପନ ପାଇଁ କାର୍ଯ୍ୟ କରୁଛି ସେତେବେଳେ କଂଗ୍ରେସ ସମେତ ତା’ର ସହଯୋଗୀ ଦଳମାନେ ‘ବୟକଟ ରାଜନୀତି’ ଆରମ୍ଭ କରିଛନ୍ତି । ମନ୍ଦିର ଜାଗାରେ ହସ୍ପିଟାଲ କାହିଁକି ପ୍ରତିଷ୍ଠା ହେଲା ନାହିଁ ବୋଲି ଯୁକ୍ତି କରୁଛନ୍ତି । ଦେଶର ବିକାଶ ପାଇଁ କାମ ନକରି ବିଜେପି ବୁଲିବୁଲି ମନ୍ଦିର ପ୍ରତିଷ୍ଠା କରୁଥିବା ଅଭିଯୋଗ କରୁଛନ୍ତି ବିରୋଧୀ । ତେବେ ସେମାନେ ଜାଣି ରଖିବା ଉଚିତ, ଭାରତରେ ୫ଶହ କିଲୋମିଟର ମେଟ୍ରୋ ନିର୍ମାଣ, ୫୧ କୋଟି ବ୍ୟାଙ୍କ୍ ଆକାଉଣ୍ଟ ଖୋଲିବା, ୪ କୋଟି ମାଗଣା ଘର ନିର୍ମାଣ କରିବା, ୩୧୫ ମେଡିକାଲ କଲେଜ ପ୍ରତିଷ୍ଠା କରିବା, ୪୫ କୋଟି ମୁଦ୍ରା ଋଣ ଯୋଗାଇ ଦେବା, ୨୨୦ କୋଟି ମାଗଣା ଟୀକା ଦେବା, ୧୧ କୋଟି ପରିବାରକୁ ପାଇପ୍ ଯୋଗେ ପାଣି ଯୋଗାଇ ଦେବା, ୧୦ ହଜାର ଜନଔଷଧୀ କେନ୍ଦ୍ର ଖୋଲିବା, ୧୦ କୋଟି ପରିବାରକୁ ଏଲପିଜି ସଂଯୋଗ ଦେବା, ୭୦ ହଜାର କିଲୋମିଟର ଜାତୀୟ ରାଜପଥ ନିର୍ମାଣ କରିବା ପରେ ବିଜେପି ସରକାର ଅଯୋଧ୍ୟାରେ ଭବ୍ୟ ରାମ ମନ୍ଦିର ନର୍ମାଣ କରୁଛି । ସେମାନେ ଭୁଲିଯିବା ଉଚିତ ନୁହେଁ ଯେ ଭଗବାନ ରାମଚନ୍ଦ୍ରଙ୍କୁ ବୟକଟ କରିବା ଅର୍ଥ ନିଜ ଭାଗ୍ୟକୁ ବୟକଟ କରିବା । ଦୀର୍ଘ ୫ ଶହ ବର୍ଷର ସଂଘର୍ଷ ପରେ ବି ରଘୁନନ୍ଦନ ନିଜ ଜନ୍ମଭୂମିକୁ ଫେରିଛନ୍ତି । ତାଙ୍କୁ କ’ଣ କେହି ବୟକଟ କରିପାରେ । ସନାତନର ଏହି ପବିତ୍ର ଭୂମିରେ ମର୍ଯ୍ୟାଦା ପୁରୁଷୋତ୍ତମଙ୍କ ଅମର୍ଯ୍ୟାଦାକୁ ଭାରତର ସନାତନୀମାନେ ଆଉ ସହ୍ୟ କରିବାର ମାନସିକତାରେ ନାହାନ୍ତି । ସାବଧାନ ହୋଇ ଯାଆନ୍ତୁ ନହେଲେ ସଫା ହୋଇଯିବେ ।