ଇଗନୁରେ ବିଜ୍ଞାନଭାରତୀ ଆନୁକୂଲ୍ୟରେ ପଦାର୍ଥ ବିଜ୍ଞାନ ସମ୍ବନ୍ଧୀୟ ଜାତୀୟ ସମ୍ମିଳନୀ ଉଦ୍‌ଯାପିତ

ଜ୍ୟୋତିଜାଗତିକବିଜ୍ଞାନ, ଜ୍ୟୋତିର୍ବିଜ୍ଞାନ ଏବଂ ଜ୍ୟୋତିଷ ବିଷୟକ ଜାତୀୟ ସମ୍ମିଳନୀର ଉଦ୍‌ଘାଟନୀ ସତ୍ର ଇନ୍ଦିରା ଗାନ୍ଧୀ ରାଷ୍ଟ୍ରୀୟ ମୁକ୍ତ ବିଶ୍ୱବିଦ୍ୟାଳୟ (ଇଗନୁ) ପରିସରରେ ଭୁବନେଶ୍ୱରରେ ଅନୁଷ୍ଠିତ ହୋଇଯାଇଛି । ପ୍ରଥମ ଅଧିବେଶନ ଉଦ୍‌ଘାଟନ କରିଥିଲେ ମହର୍ଷି ସାନ୍ଦିପନୀ ରାଷ୍ଟ୍ରୀୟ ବେଦ ବିଦ୍ୟା ପ୍ରତିଷ୍ଠାନ ଉଜ୍ଜୟିନୀର ଉପସଭାପତି ପ୍ରଫେସର ପ୍ରଫୁଲ୍ଲ କୁମାର ମିଶ୍ର ଓ ସ୍ୱାଗତ ବକ୍ତବ୍ୟ ପ୍ରଦାନ କରି ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ, ଭୁବନେଶ୍ୱରର ଡାକ୍ତର ପ୍ରଫେସର ପ୍ରଭାସ ରଞ୍ଜନ ତ୍ରିପାଠୀ । କାର୍ଯ୍ୟକ୍ରମ ସଂଯୋଜକ ହିମାଚଳ ପ୍ରଦେଶ କେନ୍ଦ୍ରୀୟ ବିଶ୍ୱବିଦ୍ୟାଳୟର ପ୍ରଧ୍ୟାପକ ଡ. ଗୌରୀଶଙ୍କର ସାହୁ କହିଲେ ସାମ୍ପ୍ରତିକ ଜ୍ୟୋତିର୍ବିଜ୍ଞାନରେ ବିଶ୍ୱର ଆଗଧାଡ଼ିର ବୈଜ୍ଞାନିକ ଓ ପ୍ରତିଷ୍ଠିତ ଜାତୀୟ ବିଶ୍ୱବିଦ୍ୟାଳୟର ପ୍ରାଧ୍ୟାପକ ଓ ଗବେଷକମାନେ ଏହି ସମ୍ମିଳନୀ ମାଧ୍ୟମରେ ଗୋଟିଏ ମଞ୍ଚରେ ଏକାଠି ହୋଇ ଯେଉଁ ବାର୍ତ୍ତା ଦେଇଛନ୍ତି ତା’ର ସ୍ୱର ଓ ସ୍ୱାକ୍ଷର ଇତିହାସରେ ସ୍ୱର୍ଣ୍ଣାକ୍ଷରରେ ଲିପିବଦ୍ଧ ହୋଇ ରହିବ । ଜାତୀୟ ଶିକ୍ଷାନୀତିରେ ଭାରତୀୟ ଜ୍ଞାନ ପରମ୍ପରାକୁ ପାଠ୍ୟପୁସ୍ତକରେ ସ୍ଥାନିତ କରିବା ପାଇଁ ଯେଉଁ ପ୍ରଚେଷ୍ଟା ଚାଲିଛି ତାକୁ ସଫଳ କରିବା ପାଇଁ ସହାୟକ ହେବ । ଉଦଘାଟନୀ ସତ୍ରର ମୁଖ୍ୟଅତିଥି ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ଓ ରାଷ୍ଟୀୟ ସଂସ୍କୃତ ବିଶ୍ୱବିଦ୍ୟାଳୟର ପ୍ରାକ୍ତନ କୁଳପତି ପ୍ରଫେସର ହରେକୃଷ୍ଣ ଶତପଥୀ କହିଲେ ଯେ ଆମର ପ୍ରାଚୀନ ଭାଷାରେ ଆମର ବିଜ୍ଞାନ ଯେପରି ବେଦ ଏବଂ ଉପନିଷଦ ଆମ ସମାଜର ସବୁଠାରୁ ମୂଲ୍ୟବାନ । ସମ୍ମିଳନୀର ସଭାପତି ପ୍ରଫେସର ଜ୍ୟୋତିଷ ରଞ୍ଜନ ମହାନ୍ତି, କାର୍ଯ୍ୟକ୍ରମର ପୃଷ୍ଠପୋଷକ ଇନ୍ଦିରା ଗାନ୍ଧୀ ରାଷ୍ଟ୍ରୀୟ ମୁକ୍ତ ବିଶ୍ୱବିଦ୍ୟାଳୟ (ଇଗନୁ) ବରିଷ୍ଠ ଆଞ୍ଚଳିକ ନିର୍ଦ୍ଦେଶକ ଡକ୍ଟର ସୁରେଶ କୁମାର ତ୍ରିପାଠୀ ଉପସ୍ଥିତ ଥିଲେ । ସମାରୋପ ସତ୍ରରେ ମୁଖ୍ୟଅତିଥି ଭାବେ ଯୋଗଦେଇଥିଲେ ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ପ୍ରାକ୍ତନ କୁଳପତି ପ୍ରଫେସର ହରିହର ହୋତା । ମୁଖ୍ୟବକ୍ତା ଭାବେ ଯୋଗଦେଇ ବିଶ୍ୱବିଖ୍ୟାତ ବୈ

୍ଞାନିକ ନାଇଜରର ବରିଷ୍ଠ ପ୍ରଫେସର ବେଦାଙ୍ଗ ମହାନ୍ତି, ସଭାପତି ପ୍ରଫେସର ଲମ୍ବୋଦର ପ୍ରସାଦ ସିଂହ ନିଜ ବକ୍ତବ୍ୟରେ ସାମନ୍ତ ଚନ୍ଦ୍ରଶେଖରଙ୍କୁ ବିଶ୍ୱର ଶ୍ରେଷ୍ଠ ଖୋଲା ଆଖି ଜ୍ୟୋତିର୍ବିଜ୍ଞାନୀ ଭାବେ ଚିତ୍ରଣ କରିବା ସହ ପ୍ରଫେସର ଯୋଗେଶ ଚନ୍ଦ୍ର ରାୟ ତାଙ୍କୁ ପାଶ୍ଚାତ୍ୟ ଦୁନିଆ ସହ ପରିଚିତ କରାଇଥିଲେ ବୋଲି କହିଥିଲେ । ପ୍ରଫେସର ଗୌରାଙ୍ଗ ଚନ୍ଦ୍ର ମହାନ୍ତି ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ବରିଷ୍ଠ ବୈଜ୍ଞାନିକ ଡ. ବିକାଶ କୁମାର ଜେନା ଅତିଥି ପରିଚୟ ପ୍ରଦାନ କରିଥିଲେ ।